Transcription
1
Monsieur, ce matin notre nepveu de La Coste nous a rendue
2
toute votre despeche et dict bien au long de voz novelles et de
3
ma niepce mada[moise]lle d’Ourches desquelles, jan loue Dieu, vous
4
avés le moien de faire taster le scavoir de messire [ou maistre] Marrelly et sil
5
vous est agreable accordés le toust avecques luy car en avés
6
meilleure raison que moy, et luy dirés aussy, sy vous plaist, votre
7
intention, il les treuvera tous deux bien dociles. Ilz vous escrivent
8
et se portent, Dieu graces, très bien. Je vous mande le roolle de voz
9
pensions et de celles que feu madame ma laissées ; vous povés,
10
monsieur, en faire estat comme de votres. Nous ferons de la
11
quarenteine le VIIIe de fevrier, comme avés escrit et le
12mieulx quon pourra adviser. [barré no] On a eu icy ce matin deux
13
allarmes que Dieu graces ont passé sens offanser persone, sinon
14
de parolles dictes par un peuple esmeu comme vous povés
15
pencer. Je cuide que messieurs noz frères vous en escriront,
16
qui en ont plus veu que moy. Il fault d’horsenavant tel
17
cas advenent (que Dieu ne permette) sen resouldre mieulx sens
18
seffraier. A Gargas, Dieu mercy, tout y va bien et y continuons
19
le mesnaige à la coustumée, duquel je vous diray mon
20
advis quant il plairra à Dieu nous donner cest heur de
21
vous voir. Ce pendent, vous prendrés ceste prinse q’uon
22fera recullir le mieulx [barré : quon ] q’uil sera possible et comme
23
fist madicte dame lesté passé, elle estent icy, nous
24
sommes sus le poinct darranter Caseneufve quil fault
25
necessairement arranter pour la Tous Sainctz prochain. On en
26
a jà presenté IIc ff [écus] par an plus q’uil nest à present.
27
Il semble à messieurs noz frères de passer larrentement
28
par sis années et à moy que par quattre, car on a plus tost moien
29
de pourvoir à toutes choses et d’augmenter le reveneu, et
30
aussi ces vieulx arrantementz ne sont que pour quattre recoltes.
31
Vous verrés sy vous plaist, ce que jescris à monsieur Draqui,
32
vous suppliant le luy mander par votre première
33
despeche. Je me recommande très humblement à votre bone
34
grace, priant Dieu quil vous douint
35
monsieur, en parfaicte senté, très bone et longue vie.
36
D’Apt, ce XXVIe s janvier 1574.
37
Votre très humble et très obéissant frère
38
Francois de simienne